Sykurlaust granóla með kókos og kakó
Ég hafði aldrei prófað að nota banana sem sætu í granóla fyrr en Tobba Marínós kom með granólað sitt á markaðinn. Ég segi bara takk fyrir þá hugmynd því við á mínu heimili erum bara ferlega hrifin af því.
Hér er heimagert granóla í anda Granólabarsins “sem mamma ykkar vill að þið borðið”. Enginn sykur, ekkert síróp, bara strangheiðarleg lífræn hráefni og bragðlaukarnir segja “ekki hætta að narta í þetta eins og snakk”.
Færslan er unnin í samstarfi við Rapunzel á íslandi.
Þú þarft:
3 dl hafrar
3 dl kókosmjöl, gjarnan fínt frá Rapunzel
2 dl pekanhnetur
1/4 tsk vanilluduft, ég nota frá Rapunzel
2,5 msk kakóduft
1/4 tsk ceylon kanill
2 msk kókosolía, t.d Rapunzel
1/2 dl kókos- & möndlusmjörið frá Rapunzel (það sem sést á mynd)
1,5 - 2 litlir bananar
nokkur saltkorn
Aðferð:
Saxið hneturnar og blandið öllum þurrefnum vel saman.
Stappið banana og bætið útí ásamt kókosolíunni og kókos-& möndlusmjörinu.
Blandið vel saman og dreifið svo út á bökunarplötu, hafið endilega bökunarpappír undir.
Bakið í ofni í 20 mínútur á 185°C, hrærið aðeins í granólanu á pötunni eftir 10 mínútur í ofninum.
Leyfið granólanu að kólna alveg við stofuhita í nokkra tíma áður en það er sett í loftþétt ílát.
Mæli með að græja granólað að kvöldi til og leyfa því að standa á borði yfir nóttina. Þú munt vakna við góða lykt í eldhúsinu og tilbúið granóla í morgunmat. Verði ykkur að góðu.
