Sykurlausar súkkulaðiplötur
Nýlega pantaði ég súkkulaði á netinu sem var sætað með döðlum og ég varð að gera tilraun í að endurgera það hér heima. Hér kemur mín útgáfa sem er í dekkri kanntinum en áferðin er vel lekandi og alveg rými fyrir fleiri döðlur fyrir þá sem vilja sætara súkkulaði.
Færslan er unnin í samstarfi við Rapunzel á íslandi.
Þú þarft:
1 dl lífrænir kakósmjörsdropar frá Rapunzel
3 msk kakó
1/2 dl ferskar döðlur (ca 45gr)
Lífrænt vanilluduft (valfrjálst / magn eftir smekk)
Annað:
Lífræn mórber, ég nota Rapunzel
Pekanhnetur
Hér er að sjálfsögðu hægt að leika sér með allaskonar samsetningar en með smá hnetum og mórberjum færðu smá auka crunchy áferð sem er skemmtileg í súkkulaði finnst mér.
Aðferð:
Byrjið á að bræða kakósmjörið yfir vatnsbaði í rólegheitunum.
Hellið bræddu kakósmjörinu ásamt döðlum og kakói í lítið blandaraílát, einnig hægt að nota töfrasprota og blandið vel þar til áferðin er nokkuð slétt.
*Hér má smakka, bættu endilega meira af döðlum eða vanillu ef þú vilt hafa það ögn sætara.
Hellið í súkkulaðiform, toppið með pekanhnetum og mórberjum og kælið í ísskáp eða frysti.
Uppskriftin dugir í ca 2-3 súkkulaðiplötuform, mæli frekar með fylla ekki formið alveg svo platan verði í þynnra lagi.
Verði ykkur að góðu.
