Súkkulaði- og kirsuberjasmoothie
Páskarnir liðnir og allir í súkkulaðikóma… hér er ég með geggjaðan næringarríkan súkkulaðismoothie ef þú þarft smá afvötnun eftir súkkulaðiátið án þess að fara í sykurvímu og fá illt í magann.
Kakóbragðið kemur sterkt í gegn á meðan kirsuberin gera hann ferskan sem gerir góðan grunn að smoothie sem hægt er að bústa upp ennþá meira með því að bæta í hann ofurfæðum sem þú vilt fá inní daginn. Chaga, moringa, engifer og hampfræ eru t.d. hráefni sem eiga það til að fljóta með í þessum grunni hjá mér.
Færslan er unnin í samstarfi við Rapunzel á íslandi.
Þú þarft:
2 banana
220 gr frosin kirsuber
2 msk lífrænt kakó frá Rapunzel
5 ferskar steinhreinsaðar döðlur
2-2,5 dl ósykruð möndlumjólk, hér er uppástunga af heimagerðri
1 msk möndlusmjör (valfrjálst)
Fyrir þykkari smoothie er tilvalið að nota frosna banana í smoothieinn.
Verði ykkur að góðu.
